بالفيديو .. البنتاجون يعترف رسميا بتصويرة لاطباق فضائية غير بشرية !!

آخر تطورات هذه السنة العجيبة: الفضائيين!
حدث بالفعل: وزارة الدفاع الأمريكية “البنتاجون” أفرجت رسميا عن ٣ فيديوهات صورها طيارين في البحرية الأمريكية بين سنة ٢٠٠٤ و٢٠١٥ فيها أجسام طائرة مجهولة UFO تقوم بحركات مستحيلة في ظل ما نعرفه اليوم من تكنولوجيا، بما فيها سرعة فائقة، وتغيير مسار فجائي ودوران حول المحور!  وصوت الطيارين واضح في التسجيل مذهولين من المنظر اللي مصوراه كاميرات الأشعة تحت الحمراء في طائراتهم الحربية. الفيديوهات دي كانت تسربت سنة ٢٠١٧ ولم يصدر تأكيد أو نفي رسمي. فجأة وزارة الدفاع قررت تأكد إنها صحيحة وحقيقية؟ اشمعنى دلوقتي يعني بعد ما الموضوع اتنسى من ٣ سنين؟ 

وكمان فيه سيناتور -نائب في الكونجرس- عن ولاية نيفادا (اللي فيها المنطقة ٥١ الشهيرة في نظريات المؤامرة عن الأطباق الطائرة والفضائيين) كان أنشأ برنامج حكومي سنة ٢٠٠٧ للبحث بجدية في موضوع الأجسام الطائرة المجهولة دة، وحصل على تمويل ٢٢ مليون دولار. فجأة الحكومة قررت تسحب منه التمويل وتقفل المشروع سنة ٢٠١٢ بحجة إن فيه أوجه صرف تانية محتاجة الفلوس، والراجل استقال احتجاجا على منع البحث والمبالغة في السرية والتعتيم على الموضوع دة بالذات.لما نشروا الفيديوهات امبارح، نفس السيناتور دة كتب تويتة تخوف:
“اللي انتم شايفينه دة مجرد جزء ضئيل جدا مما نعرفه ومن الوثائق والمعلومات والدلائل المتاحة عن هذا الموضوع للحكومة الأمريكية! من حق الشعب الأمريكي أن يعرف الحقيقة!”
وطبعا كلنا عارفين الفيلم دة بينتهي ازاي!
خصوصا لما الأحداث تبدأ في وقت وباء غريب ظهر فجأة ولا يمكن السيطرة عليه، ودايما بيبقى فيه الراجل بتاع الأمم المتحدة بيحذر، والعلماء بيصوتوا وبيحاولوا يوصلوا صوتهم للرئيس اللي في وادي تاني علشان الانتخابات قربت، والبطل بيقول من حق الشعب أن يعرف الحقيقة، بينما الشعب مكبر دماغه وبيحتفل… تقريبا بيبقى بطولة ويل سميث أو بروس ويليس أو سيجورني ويڤر أو حاجة كدة؟شاهد الفيديو من صحيفة الجارديان البريطانية
 

About

Check Also

6 أسباب تشير لعدم صلاحية كانى ويست لرئاسة أمريكا

أطلق مغنى الراب كانى ويست، أول فعالية خاصة بحملته الانتخابية للرئاسة الأمريكية، فى نورث تشارلستون …

Leave a Reply

Your email address will not be published. Required fields are marked *